Auld lang syne

1. Should auld acquaintance be forgot and never brought to mind?
Should auld acquaintance be forgot, and days of auld lang syne?
For auld lang syne, my dear, for auld lang syne.
We'll tak acup o kindness yet, for auld lang syne!

2. And surely ye'll be your pint-stowp, and surely I'll be mine,
And we'll tak a cup o kindness yet, for auld lang syne!
For auld lang syne, my dear, for auld lang syne,
And we'll tak a cup o kindness yet, for auld lang syne!

3. We twa hae run aboot the braes and pu'd the gowans fine.
But we've wandered monie a weary fit, sin' auld lang syne.
Sin' auld lang syne, my dear, sin' auld lang syne,
We've wandered monie a weary fit, sin' auld lang syne.

4. We twa hea paidl'd in the burn, frae morning sun till dine,
But seas between us braid hae roar'd sin' auld lang syne.
Sin' auld lang syne, my dear, sin' auld lang syne,
But seas between us braid hae roar'd sin' auld lang syne.

5. And there's a hand, my trusty fiere, and gie's a hand o' thine;
And we'll tak a right guid-willie waught, for auld lang syne.
For auld lang syne, my dear, for auld lang syne,
We'll tak a right guid-willie waught, for auld lang syne.